Shillong, Nailur 23 : Ka jingkyntiap seng ki 8 ngut ki MLA ka UDP sha ka BJP kala wanrah ia ka jingkylla ha ka jylli sain pyrthei hapoh ka Khasi Hills Autonomous District Council (KHADC), kaba la iohi ia ka jingwan phai biang ka BJP sha kane ka Council hadien phra snem.
Arngut na kine ki 8 ngut ki MLA kiba iasoh sha ka BJP ha New Delhi ha ka sngi Balang- u bah Synshar Kupar Roy Lyngdoh Thabah (Nongspung-Sohiong) bad Bah Pius Marwein (Langrin)- ki dei ruh ki MDC ka KHADC.
U Bah Synshar ula jop ia ka elekshon KHADC 2025 da 281 vote, katba u bah Pius ula ioh ia ka jingjop kaba suk da ka jingtam haduh 2899 vote.
Da kane ka jingleit iasoh BJP, ka jingdon MDC ka UDP ha ka Iingdorbar ba 29 ngut ka KHADC, kala hiar sha ka 3 ngut ba kynthup ia u Nongialam ka Liang Pyrshah Bah Titosstarwell Chyne (Sohra), Barikupar Synrem (Shella) bad Equator Nongrang (Mairang-Nongkhlaw).
Ka khubor ka iathuh ba u Bah Barikupar Synrem, Para u MLA ka Shelle Balajied Synrem uba iasoh sha ka BJP, u lah ban bud lang noh sha ka BJP.
Ka KHADC ka dei kaba synshar mynta da ka Voice of the People Party (VPP).
Lah ban pynkynmaw ba ha u snem 2017, u Bah Neil Antonio War u dei u MDC ba nyngkong eh ka BJP ha KHADC ba mih khmat iaka Laitumkhrah Constituency.
