Shillong, Nailur 22: Ka Meghalaya Rugby Association (MRA) kala ioh ia ka Provisional Affiliation na ka Rugby India, ka synjuk kaba khmih ia katei ka jingialehkai hapoh ka ri India.
Ka Indian Rugby Football Union (IRFU) Board kala ai jingmynjur ia katei ka jingtyrwa ha ka jingialang kaba la long ha ka 19 tarik u Nailur bad kane ka jingai jingithuh kala treikam naduh ka 21 tarik u Nailur 2026.
Kane ka jingai jingithuh kala plie lynti ia ki nongialehkai ka Meghalaya ban iakhun ha ki jingiakob ialehaki hapoh ka ri bad ban long shi bynta jong ka jingkyntiew ia ka jingialehkai Rugby ha ri India.
Ka synjuk ialehkai ka jylla kan ioh ruh ia ka jingkyrshan ban ialeh ban kyntiew bad ban pyniar ia kane ka jingialehkai ha kylleng ki shnong ki thaw.
Haba ai khublei ia ka Rugby India halor ka jingai jingithuh, ka MRA kala kyntu ia ki nongialehkai, skul, college bad ki Club kiba don jingthrang ban ialehkai ia ka Rugby bad ki lah ban iakynduh ia ki nongialam jongka Association.
