Shillong, Nailar 27: Ka Nambie Jessica Marak na Meghalaya kala pynkhreh ban mihkhmat ia ka ri India ha ka MasterChef Asia, kaba long ka sienjam kaba heh ha ka lynti iaid ban rah ia ka jingshet jingbam ka thain Shatei Lam Mmihngi sha satlak ki nongpeitkai.
Ka Marak kan dei tang ma ka napoh ri India ban iashimbynta ha katei ka jingiakob shet kaban long ha Macao, China.
Kane ka jingioh mihkhmat kala wan hadien ba katto katne snem ba kala kyntiew ia ka jingshet ia ki jingbam tynrai ka thain bad ban iathuh ia ki khana lyngba ka jingshet.
Ka Marak kala ioh ia ka jingithuh hadien ba kala paw ha ka MasterChef India Season 8, ha kaba kala ioh ia ka nam First Runner-up. Ha katei ka por jong ka jingiakhun, kala pynithuh sha ki nongpeitkai ka ri shaphang ki Garo bad ki jingbam kiba bang na ka thain shatei lammihngi, da kaba wanrah ia ki jingber bad ki jingshet ha katei ka rynsan.
Ka jingshet jingbam ka jongka kala sdang kham hashwa. Ka Marak kadei ka nongthaw ia ka “Eat Your Kappa,” ka YouTube channel ia kaba la pyni ia ka rukom shet ia ki jingbam tynrai ka Meghalaya bad kiwei pat ki bynta jong ka thain shatei lammihngi. Ka jingthmu kala sdang ha ka por ba ka pule ha Chennai bad peit ia ki jingshet tynrai ha iing. Hadien kala sngewthuh ba ka long kaba duna bha ia ka jingdon ki Video ha ka ktien phareng shaphang ki jingshet ka thain shatei ka thain lammihngi.
Ha ki snem, ka kam jongka kala lah ban pyniar nalor jong ki video. Kala sdang ruh ban pynmih ia ki jingbam tynrai kaba kynthup ia ki ashar, ha kaba kyntiew ruh ia ki jingtah jingber tynrai bad ban iatreilang bad ki nongrep. Kiba bun eh na ki kam jongka kala phaikhmat ha kaban pynneh pynsah ia ki jingbam tynrai kaba kala heh lah san lang bad thaw ia ki lad halor jongki.
Ka Marak kadei kaba na Upper Rangsa ha West Khasi Hills. Jngai na la ka kamra shetja, ma ka bad la u kurim kila don bynta ha kaban pynkhie im ia ka skul shnong kaba la iehshrah ha Nongrisan. Ia kane ka skul mynta la tip kum ka Sunbeam Foundation, la pynkhie im ha u 2022 bad kala kiew na ka 19 ngut ki khynnah pule sha ka 85 ngut.
Kala pyrshang ruh ban kyntiew ia ka kam shet jingbam tynrai ka Meghalaya bad kala ioh ruh ia ka jingithuh na ka Sorkar Jylla ia kaba kala ong, ba kala long kum ka nongrah tiensyiem ne Ambassador ia ka kan shet jingshet tynrai.
