Shillong, Nailar 24: U Devraj Mohapatra uba la mih khmat ia ka Meghalaya u la lah ban wanrah ia ka nam bad burom ia ka jylla, da ka jinglah ka jong u ba un khur syndon da ka takma ksiar ha ka lympung iakob siat khnam ba la tip ia ka kum ka the 2nd NTPC National Ranking Archery Tournament 2026.
Kane ka jingiakhun ka la sdag naduh ka 18 haduh ka 27 tarik mynta u bnai Bokaro, ha Bokaro Jharkhand.
Ka takma ksiar kaba u Devraj u la ioh ba un khur ka la wan na ka iakob siat jong ka Junior Recurve Men Individual Elimination Round.
Haba iadei bad kane, ka synjuk Archery Association of Meghalayan (AAM) , ka phah ia ka jingai khublei ia u Devraj uba la lah ban trei shitom tad haduh ba un da lah ban ioh mkhur syndon ia kane ka takma, ha ka juh ka por ka synjuk kam lah ban khlem da ai khublei ia ka sorkar jylla, kaba juh iai kyrshan borbah ia ka synjuk ha ka jingtrei ka jong ka ban sain dur ia ki nongialehkai siat khnam ka jylla kiban da paw mynta kumba la long u Devraj Mohapatra.
Ka AAM kam lah ruh khlem pynpaw ia ka jingsngewnguh bad ka jingtrei shitom jong u High Performance Director cum Head u Mim Bahadur Gurung bad kiwei ki coaches kiba hapoh jong u kiba la trei borbah ban ioh kheit ia u soh ka jingjop.
