Shillong, Nailar 20 : Ki Pulit ka Jylla ha ka step sngi Palei, kila ialam tian bishar ia ki 3 ngut ki nongialam ba hakhmat ka KSU sha Iingkashari hadien ka jingkem ia ki ha ka miet sngi Balang namar ka huri hura ba mih naka rally thuk thuk ha Shillong.
Ki nongialam ka KSU ba shah kem ki kynthup ia u President samla Raymond Kharjana, Vice President Pynkmen Sanmiet bad u General Secretary samla Reuben Najiar.
Ka jingkem ia ki kala wan jia hadien ki huri hura kila mih na ka rally thuk thuk ha ka sngi Balang, kaba lam sha ka jingjulor haduh 31 tylli ki kali khambun ki kali Sorkar, jinglun maw ia ki kali bad jingktah kti ia ki riew paidbah ba iaid ba ieng.
Ia mynta ym pat lah ban ioh ia ka jingtip ba bniah halor ka rai ka Iingkashari bad ka sngi ba ki Pulit ki pan ban tohkit ia kine ki nongialam ka KSU.
