Shillong, Nailar 17 : Ki bor district ka East Khasi Hills, kila pynlong ia ka jingiajurip lang ia ki jaka ha Lum Survey ha ka sngi Nyngkong hapdeng ka jingsngewkhia halor ki kam beain bad ka kam khaii droks na kane ka jaka.
U Deputy Commissioner ka East Khasi Hills Abhilash Baranwal ula pyntip ba ka kynhun jurip ka kynthup ia u Superintendent of Police (SP), Additional District Magistrate (ADM), Chief Executive Officer (CEO) ka Contonment bad ki Ophisar na ka MeECL.
Haba kylli la ki bor district kin kyndang ia ki briew ba sah beain ha ka thain, kaba hap hapoh ka jaka ka Contonment, u DC ula ong “Kam long kaba lah ban leh ia mynta”.
“Ym lah ban kyndang. Ka don ka hukum ka Iingkashari High Court ba pynsangeh ia kane. Nalor kata, ka dei ka jaka jong ka Contonment” ula ong.
Halor ki sienjam ban tehlakam ia ki kam bymman ha Lum Survey, kaba la ithuh kum ka ktem khaii droks ha Shillong, u Baranwan ula ong ba ka jingkhynra kan nang jur ha ka thain.
“Haba iadei bad ki kam bymman, ki jingkhynra ba man ka por kin sa iaid ha katei ka jaka” ula bynrap.
