Shillong, Nailar 17: Ka Shillong Municipal Board (SMB) ha ka sngi Nyngkong ka la pynkynriah noh ia ki 86 ngut ki nongshong dukan madan na Laitumkhrah sha ki jaka bala ithuh kyrpang ha ka jaka ieng kali Dhankheti bad ha Brightwell Bunglow ha Barik, kum shi bynta ban pynlait ia ka jingkhapngiah jong ki lynti iaid kjat bad ki rud surok ha ka nongbah Shillong.
Haba kren sha ki lad pathai khubor u CEO ka SMB u PK Boro u la ong ba ia kane ka jingpynkynriah la pynlong hadien ba la pynbna paidbah bad ha ryngkat ka jingiatreilang bad ki nongdie madan.
“Hangne ki don 86 ngut ki nongdie jingdie madan. Baroh yn pynkynriah sha Dhankheti bad Brightwell Bunglow. Baroh ki kohnguh bad iatreilang bad ngi’ la ong u Boro.
U Boro ula ong ba ka jingpynkynriah kam dei ka jingleh kaba tang shi sngi hynrei la ai por ia ki nongdie jingdie madan ban pynkhreh ban kynriah noh shawei.
“Kane kam dei ka kam ba la leh tang hapoh shi sngi. Ngi la pynmih ia ki jingpynbna bala ai por ia ki shibnai bad mynta ka sngi ka dei ka sngi ban pynkynriah sha kiwei ki jaka. Baroh ki la pdiang bad kila kynriah jaka,” u la bynrap.
Ka SMB kala ong ba ia kane ka sienjam, la shim ban pynlong ïa ki surok bad ki lynti ïaid kjat ha Laitumkhrah kiba kham khuid bad kham pynsuk ïa ki nongleit nongwan hadien ba la ïohi ïa ki nongdie jingdie madan ki shong die jingdie ha ki jaka paidbah.
Haba kylli halor ka jingpyrshah ki nongdie jingdie madan ha Jail Road, u Boro u la ong ba ia katei ka jingeh jong ki yn sa ia kren biang.
“Kata ka dei ka mat kaba pher. Ngin sa shim khia” u la ong.
U Boro u la pyntip ruh ba ka Sorkar ka dang ai jingïarap pisa sha baroh ki nongdie jingdie madan kiba shah ktah na ka jingshah pynkynriah sha kiwei ki jaka.
 ha ka sngi Nyngkong ka la pynkynriah noh ia ki 86 ngut ki nongshong dukan madan na Laitumkhrah sha ki jaka bala ithuh kyrpang ha ka jaka ieng kali Dhankheti bad ha Brightwell Bunglow ha Barik, kum shi bynta ban pynlait ia ka jingkhapngiah jong ki lynti iaid kjat bad ki rud surok ha ka nongbah Shillong.){kind=link}