Shillong, Nailar 17 : Ka Commissionerate of Food Safety kala weng noh ia ka hukum ba khang ban die, buh stock ne shalan ia u Sting energy drinks ha Jylla, hadien ba ka jingtohkit ka shem ba kam don jingiadei hapdeng ka jingdih ia une u jingdih pynpynngad bad ka jingiap jong u samla pule.
Ia kane ka hukum bala weng noh la pynmih ha ka 15 tarik Nailar da ka Commissioner of Food Safety, Meghalaya, hadien ka jingtohkit ia kiei kiba jia ha lyndet ka jingiap une u samla pule bala saphriang khubor.
Ia kane ka jingkhang die ia une u jingdih la pynjari ha ka 14 tarik Nailar kum ka sienjam ban iada ia ki paidbah hadien ka jingmih khubor ha ki lad pathai khubor ka Jylla ba iadei bad ka jingiap u samla pule ba kynnoh dih ia u Sting.
Kat kum ka hukum, u Food Safety Officer ula pynlong ia ka jingtohkit bad aiti ia ka kaiphod ha ka 14 tarik Nailar, ka bym shym la lah pynshisha ia ka jingdon jingiadei hapdeng ka jingdih ia u Sting Energy Drink bad kane ka jingiap.
Ka hukum, ka pyntip ba ia ka hukum ba khang ban die, buh stick bad shalan ia u sting, la weng noh mardor.
