Shillong, Nailar 14: Ki pulit ka East Khasi Hills ki la buh ïa ki lad pahara kiba khlain na ka bynta ka sngi laitluid ba 80 jong ka ri, ha kaba ka jingpynher lama lai rong kaba heh tam jong ka Jylla kan long ha madan Polo, ong u SP u Bah Vivek Syiem.
“La pynbeit bniah bha ia ki jingrakhe Independence Day. Ha Polo yn pynlong ia ka jingpynher lama lai rong kaba heh tam ha ka Jylla, katba ka Sohra bad Pynursla sub-division ruh kin don ki parade bad ki program” ula ong.
U SP u la ong ba Pulit ka district ki long kiba peitngor bad kila pynkreh iaki bor jingpahara bad la bishar bniah bha ia ki jaka kiba ithuh ba lah ban mih jingma.
“La phah ki kynhun bor pahara sha kylleng ki jaka. Ki pulit ka district ki don ha ka jingpynkhreh bad ngin pynthikna ia ka sngi rakhe sngi laitluid ka ri kaba khlem ki jingjia. Ki kynhun bor pahara kyrpang bad ki don baroh ki jaka” u la ong.
U Bah Vivek ula bynrap ba ki bor pahara ki don bad peitngor 24/7.
“Ki katto katne ki kynhun bor pahara ki la wan poi ha ka District bad ngi la buh ha ki jaka bapher bapher,” u la ong.
