Shillong, Nailar 11: Ka Meghalaya Bharatiya Janata Party (BJP) ka pynrem jur ia ka jingleh jong ki pulit pyrshah ia ki samla pule kiba iakhih ha Ranchi bad kynnoh ia ka sorkar Congress-JMM ha Jharkhand ba ka la pyndonkam daka bor ban pynpra ia ka jingiakhih kaba jai jai jong ki samla.
Ha ka kyrwoh state general secretary ka BJP Meghalaya u Bah Wankitbok Pohshna u la ong ba ka jingleh ki Pulit ka Jylla Jharkhand ka la pynjah burom ia ka synshar paidbah jong ka ri India.
U Bah Wankitbok ula kynnoh ba ki samla pule kila iathuh naka bynta ban dawa pynbha iaka Pule Puthi hynrei kila iakynduh daka jingshah pynap daki wire, ki bom pynsat khmat, ka jingshah tied daki lathi bad ka jingshah synreit um.
“Ka ri baroh kawei ka iohi baki samla pule ki pynlong ia ka jingiakhih daka ba jai jai hynrei ka Sorkar Jharkhand kala pyndonkam bakla iaka bor daka ba thombor iaki samla pule khlem ka jingisynei” la ong u Bah Wankitbok.
Ka BJP ka la kynnoh ruh ba ki don ki samla pule kynthei kiba la shah tar ki jain haki Pulit. “Katno katno ruh ka jingpynrem kam pat biang na ka bynta kane ka kam riewkhlaw bala leh daki Pulit ka Jylla Jharkhand” u la bynrap.
Ka la ong ba ka ieng kum u mawsiang bad ki samla ka Jharkhand bad ka la dawa na ka Sorkar Jylla ban pynbeit mardor ia ki jingdawa ki samla pule.
Ka BJP kala pynrem ruh ia u Nongïalam ka Liang Pyrshah u Rahul Gandhi, da kaba kynnoh ba ka jingthombor iaki samla pule ka wan namar ka jingbthah jong u bad kynnoh ïa u ba u leh ïa ka politik tang ban myntoi shimet.
“U Rahul Gandhi u kloi ban kren halor ka jingiakhih ha Jantar Mantar hynrei u sngap jar ha ki jingiakhih ki samla pule ha Jharkhand. Um kwah ba u Myntri ka tnat Kam Pohïing ba un jubab ha Parliament namar ba ki kam lamler jong u kin sa pra noh,” la ong u Bah Wankitbok haba kdew ïa ka jingkren jong u Rahul ha ka 10 tarik August ba kynnoh ba don ka jingsiat suloi haka por iakhih ha Jantar Mantar.
Ka BJP ka la kyntu ïa u Gandhi bad ka Congress ban panmap na ki samla pule jong ka ri.
 ka pynrem jur ia ka jingleh jong ki pulit pyrshah ia ki samla pule kiba iakhih ha Ranchi bad kynnoh ia ka sorkar Congress-JMM ha Jharkhand ba ka la pyndonkam daka bor ban pynpra ia ka jingiakhih kaba jai jai jong ki samla.){kind=link}