Shillong, Nailar 11 : Ki Pulit Anti Narcotics Task Force (ANTF) ha ka miet sngi Nyngkong, kila iohkem ia uwei u suba nong khaii droks ba na Mawlai katba u dang wanrah ia u droks heroin na Guwahati sha Shillong.
Ki Pulit ki iathuh ba une u briew u kyrteng u Allan Marwein ba na Mawlai, Nongkwar, Block-13 bad la kem ia u ha ka por 9:30 baje mynmiet na ka kali jong u AS01-AV-1166 ha ka jingpynap shrip ha Umiam.
Ki iathuh ba ha ka por 7 baje janmiet, kila ioh ia ka khubor ba u Allan ula hiar sha Guwahati ban thied ia u heroin na uwei u briew na Guwahati bad ula wanphai sha Shillong da ka kali lajong.
Mar mar ki Pulit kila pynap shrip ha Umiam bad kila ioh bat ia u na katei ka kali. Ki Pulit kila khot ia arngut ki nongsakhi ban talasi ia ka kali kat kum ka kyndon NDPS Act bad na kane ka kali, kila ioh kurup ia kawei ka synduk sabon kaba thep ia u droks ba khia 10.93 gram.
Ia une u briew la kem noh bad la register case hapoh ka kyndon NDPS Act. Ka jingtohkit mynta kala iaid shakhmat.
 ha ka miet sngi Nyngkong, kila iohkem ia uwei u suba nong khaii droks ba na Mawlai katba u dang wanrah ia u droks heroin na Guwahati sha Shillong.){kind=link}