Shillong, Nailar 07 : U Nongialam ka BJP bad MLA ka Pynthorumkhrah Bah AL Hek ula ong ba ka kam pynpoi lynti rel ba la sahteng la slem bha ha Meghalaya ka dei mynta ban shim rai da ka Jylla bad ka Sorkar Pdeng, haba buh hakhmat ia ka jingmyntoi u paidbah.
Haba kylli halor ka jingslem ban pynbeit ia kane ka kam, u Bah Hek ula ong ba kane ka kam kala sahteng la slem bha.
“Kane kawei kala sahteng la slem bha. Kumta mynta ngi ieh ha ka jingstad jong ka SorkarJylla bad ruh ka jingstad ka Sorkar Pdeng ban wanrah ia ka lynti rel sha Meghalaya” ula ong.
U Bah Hek ula bynrap ba ia ka project dei ban buddien tang lada ka ai jingmyntoi ia ki paidbah ka Jylla.
