Shillong, Nailar 4: Kum shi bynta ka jingrakhe ia ka International Clouded Leopard Day, u Myntri Rangbah ka Jylla Conrad K. Sangma ha ka sngi Baar, ula pynbna ba ka Jylla kan sdang pyntreikam ia ka Mission Clouded Leopard, ka prokram kaba kyrpang ban pynneh pynsah ia ki Clouded Leopard ne khla thapsim, uba long u Meghalaya State Animal.
Today, on International Clouded Leopard Day, Meghalaya has launched Mission Clouded Leopard, a dedicated programme for the conservation of our State Animal.
The Clouded Leopard (Neofelis nebulosa) is listed as Vulnerable on the IUCN Red List and is protected under Schedule I of… pic.twitter.com/JEaa59XY81
— Conrad K Sangma (@SangmaConrad) August 4, 2026
Ha ka kyrwoh, ka sorkar kala ong ba kane ka mission ka thmu ban ialeh ban pynroi ia kine ki mrad ha kylleng ki bynta jong ka jylla lyngba ka jingiada ia ki jaka sah, ban pynneh pynsah, ka jingwad bniah lyngba ka jingstad saian bad ka jingiashimbynta lang jong ka imlang sahlang.
Ia kane ka prokram yn pyntreikam hapoh ka jingbtin jong ka Meghalaya Clouded Leopard Action Plan kaban sa pynmih, kaba ka Forest and Environment Department kala lamkhmat na ka bynta ki lad ban iada ia kine ki mrad. Ki bynta kiba kongsan ki kynthup ia ka lad ban iada na ka jingkem ne jingpyniap, ban pynbha ia ki sawdong sawkun jong ki jaka, ka jingai jinghikai ia ki nongtrei kiba hakhmat eh bad ban iatreilang bad kiwei pat ki jylla jong ka thain shatei lammihngi.
Ia u Clouded Leopard la pynrung ha ka thup ‘Vulnerable’ on the IUCN Red List since 2008. La ai jingiada hapoh jong ka Schedule I jongka Wild Life (Protection) Act, 1972 bad la pynrung ruh ha ka Appendix I jongka CITES. Ia kaba la tip kyrteng tynrai kum u Macha Pheong ha Garo, Lakrong ha Khasi bad Khla ha Jaintia, une u mrad ula leh ia ka bynta kaba kongsan kum u mrad khlaw bad uba kdew ruh ia ka jingkoit jingkhiah jong ki khalw ki btap.
Ka Meghalaya kadei ka jaka sah ki katto katne ki Clouded Leopard kiba pawnam ha ka ri, ka kynthup ia ka Nokrek, Balpakram, Baghmara, Narpuh bad Nongkhyllem, ryngkat bad ki khlaw ki btap kiba la khmih da ki shnong ki thaw. Hynrei ia kine ki jaka kila mad ia ka jingma na ka jingjulor, ka jingbym don ki lad pyniasoh, ka jingsiat mrad, ka jingsdang duhjait ki mrad bad na ka jingkylla ka suinbneng.
Katkum ka jinglap kaba la wad bniah da ka jylla kala she mia ki 21 tylli ki Clouded Leopards ha ka thain Balpakram haduh mynta. Kane ka jingwad bniah ia mynta kadei kaba la pyniar shuh shuh na ka bynta baroh ki jait mrad kiba kongsan hapoh Meghalaya ban lah ban ioh lum ia ki jingtip ia ka jingdon pura ha ka sien kaba nyngkong ha ka jylla baroh kawei, kaban iarap ha kaban wanrah ia ki buit treikam ban pynneh pynsah bad ban iarap ha ki snem ban wan na ka bynta ban khmih bniah hapoh jong kane ka mission.
Da kaba pan jingkyrshan na ki paitbah, u Myntri Rangbah ula ong, “Nga iawer ia ki bor synshar ia ki shnong, ki shnong ki thaw, ki samla, ki nongwad bniah, ki kynhun kiba ialeh ban pynneh pynsah bad ia baroh ki nongshong shnong ban iasnohkti lang ha kaban iada ia kine ki State Animal.”
