Shillong, Nailar 3: Ki pulit ka East Khasi Hills, kila pynkhlain ia ka jingpahara ha sawdong ka Ophis ka Meghalaya State Pollution Control Board kaba don ha Lumpyngngad-kaba la shah kawang petrol bomb hynne ka sngi Nyngkong ha ki arngut ki riewtapkhmat.
Ki Pulit kila register case ruh halor kane ka jingjia bad ka jingtohkit mynta kala iaid shakhmat.
Kat kum ka jingong u Superintendent of Police ka East Khasi Hills u Bah Vivek Syiem, ula ong, ba katei ka jingjia kala jia ha ka por 12:10 mynmiet ha kaba ar ngut ki runar kila leit rung ha phyllaw jong ka MSPCB bad kawang da u petrol bomb ia kane ka ophis treikam.
Une u petrol bomb ula leit dei ia ka kynroh maw bad kala julor tang ha ka jingkhuid rong. Kam shim la don kano kano ka jingmynsaw kaba la ioh ioh jingtip.
“Mar ia ioh jingtip, ki pulit kila leit mardor sha katei ka jaka. Ka Crime Scene Unit kala wan sha kane ka jaka ban lum ia ki sabut kiba la jia ha kane ka jaka” la ong u Bah Syiem ha ka kyrwoh.
Ia ka case la rejistar ha Laitumkhrah Police Station katkum ka Case No. 121(08)2026 hapoh ki kyndon 324(3)(6)/326(g)/3(5) jongka BNS. Ka jingtohkit halor kane ka jingjia ka dang iaid shakhmat, la bynrap u SP.
U Bah Syiem ula ong, ba la pynjur ia ka jingpahara ha katei ka ophis treikam jong ka Meghalaya State Pollution Control Board.
Ki pulit ka district kila trei shitom ban ialeh ban ithuh bad ban kem ia kiba donkti ha katei ka jingjia, ula ong.
