Guwahati, Naitung 26: Saw ngut ki nongtrei, kynthup ïa uwei na Tripura, ki la ïap hadien ba ka jaka ba lum lang ia ka nar bala pynur, ka la bthei hapoh kawei ka karkhana nar ha Assam kaba hap hapoh Cachar District ha ka Sngi U Blei.
Kane ka jingbthei kala jia ha ka por 11 baje mynstep ha Kade Global Infrastructure LLP kaba don ha Pangram, Udharbond constituency.Ka jingbthei ka long kaba khlain bor bha haduh ba la iohsngew ha kylleng ka thain, kaba la pynlong ia ki nongshong shnong ban tieng bad klumar jingmut.
Ki nongshong shnong ki la batai ia kaei kaba jia bad ong ba ka bor jong ka jingbthei ka la pynpra lyngkhot lyngkha ia ki lanot.
“Ka jingdawa jong ka jingbthei kala jam bha.Ynda ngi la poi ha katei ka jaka, ngi la iohi ba ki met iap ki la pra lyngkhot lyngkhai,” ong uwei u nongshong shnong.
Na ka liang jong ki pulit, Fire bad Emergency Services ki la leit mar mar sha katei ka karkhana bad ki la ioh ban pyllait im ia ki katto katne ngut ki nongtrei kiba la mynsaw.
Kitei ki lanot ki dei kiba la tip kyrteng kum u Appu Boraik (32 snem), u Kiron Munda (28 snem), u Shyamal Gaur bad u Sagar Nath uba shong ba sah ha Agartala ha Tripura.Ki pulit ki la iathuh ba baroh saw ngut ki la iap ha katei ka jaka.Hadien la phah noh ïa ka met jong ki sha Silchar Medical College bad Hospital ban leh ïa ka Post Mortem hadien ba la ithuh da kiba haïing.
U Senior Superintendent jong ki pulit ka Cachar, u Sanjeev Saikia, u la ong ba yn sa register ia ka case pyrshah ia kateika karkhana bad ka jingtohkit mynta kala iaid shakhmat.
Katkum ki pulit, ka Kade Global Infrastructure LLP ka pyntreikam ia ar tylli ki scrap metal processing units ha katei ka thain. Ka jingjia aksiden ha ka Sngi U Blei, ka la jia ha ka Pangram unit kaba thymmai jong katei ka kompeni, kaba la sdang kumba shisnem mynshwa.
U Myntri sorkar jylla, u Kaushik Rai, uba la leit jngoh ia katei ka jaka, u la pynbna ban thung da ka magisterial inquiry, ka jingtohkit jong ki pulit bad ka jingtohkit jong u District Labour Commissioner ban lap ia ka daw jong ka jingbthei bad ban pynthikna ba kane ka karkhana kala bud ne em ia ki kyndon ba la buh ban iada ha ki jaka trei.
“Ka bor pyniaid district ka la pan jingtip ba bniah na ki trai karkhana ha kaba iadei bad ki lad jingiada ba la bud ha katei ka karkhana.Ia ka daw ba thikna jong ka jingbthei ruh dang wad bniah.Kumba ka long mynta, ka jingtohkit kaba saw bynta (four-layer investigation) ka dang iaid shakhmat,” la ong u Rai.
U la ïathuh ba u Myntri Rangbah ka Jylla u Himanta Biswa Sarma u la ïakren bad u hadien katei ka jingjia bad u la pynbna ban ai jingiarap (ex gratia) mar ₹5 lak sha ki bahaïing jong uwei pa uwei uba la khlad noh.Ka sorkar kan pan ruh na ka kompeni ban ai bai lutksan kaba biang sha ki bahaïing jong ki lanot, u la bynrap.
