Imphal, Naitung 1: Kumba 15 tylli ki iing kila shah thang ha ki riew runar ki bym lah ban ithuh dur khmat ha ka shnong Phaimol Kuki jong ka jylla Manipur kaba hap ha Kamjong district, ha ka sngi Balang.
Kane ka jingjia ka la jia ha ka por kumba 12:30 ei ei mynstep ha ka shnong Phaimol, kaba don kumba 45 km shaphang shatei lam mih ngi jong ka Chassad police station hajan khappud Indo-Myanmar pillar no. 113.
“Ym shym la don kano kano ka jingmynsaw ne jingjia ba sngewsih.Baroh 15 tylli ki iing ha katei ka shnong ki la shah pynjot lut ha katei ka ding, katba ka iingmane shnong pat ka la sahkut khlem shah ktah,” la ong uwei u heh sorkar.
Katkum ki heh ophisar, hynniew tylli ki iing ha Huimine Thana, ka jaka sah jong ki Tangkhul kaba don hapdeng ka Shangkhalok bad Phaikoh, ki la ing khong lut ha ka ding.
Kawei pat ka kynhun ki riew kieng atiar, la kynnoh ba ki la pyrshang ban thang ia ka shnong Shangkhalok Tangkhul, kaba don hajan u Pillar khappud Indo-Myanmar, ha ka por kumba 1:45 baje eiei ha katei ka juh ka sngi hynrei ki bor pahara, ki la pynpulom noh ia katei ka jingthmu jong ki.
Katkum ki tyllong khubor ba la ioh lum la iathuh ba ki nongshong shnong ki la dep ban pynkynriah noh ia ka Phaimol namar ka jinglong jingman jong ka jingpahara bad ki dang sahkut shipor ha ka shnong Aishi.
