Shillong Risaw 02: Ka Christ School Mukroh ryngkat ka jingiatreilang bad ka Rotary Club ka Orchid City Shillong bad Jowai kila pynlong ia ka jingai jingsumar ei ia ki paidbah ha ka 1 tarik u Risaw.
Ki khynnah haduh kiba la noh ka rta, kila shah khmih bniah ha ki 5 ngut ki doctor bad ha katei ka jingai jingsumar ei la iadonlang ki President bad ki dkhot jongka Rotary Club, ki nonghikai, ki khynnah skul lem bad ki nongshong shnong.
U nongseng iaka skul uba long ruh u Chairman, u Prof. Henry Lamin ula ai khublei ia ka Rotary Club halor ka jingpynlong ia kane ka prokram kaba long kongsan bha bad ula ban jur ia ka jingdonkam ban ioh iaka met kaba koit ba khiah na ka bynta ban kiew shaphrang.
Ki President jongki Rotary Club, kila pyntip iaka rukom treikam jongka Rotary Club khamtam ha kaban ai jingsumar bad iaka koit ka khiah ia baroh bad iaka jingnoh synniang na ka bynta ban pynduhjait ia ka Polio, ban pynlong man la ka por iaka jingai jingsumar ei, ban pynkup bor ia ki Hospital da ki kor ki bor bad ban ai ka jingithuh ia ki nongtrei ka koit ka khiah da kaba ai khusnam kyrpang ia ki.
U Dr. Banjop Dkhar u la ai jingbatai ia kaei kaba dei ban leh man la ka sngi ban ioh ia jingkoit jingkhiah bad ula ai ruh ia ki katto katne ki symboh pyrkhat ban im iaka jingim kaba koitn ba khiah.
Ha katei ka sngi, ki don palat 200 ngut ki nongshong shnong kiba kynthup ia ki kynthei, ki longkmie bad ki khynah kiba la rejistar bad ioh jingmyntoi na kane ka jingai jingsumar ei.
