Shillong Jymmang 24: Ka Akashvani Shillong bad ka Akashvani North Eastern Services (NES), ha ka sngi Saitjain kila pynlong ia ka prokram ka put ka tem ha State Convention Hall ha Shillong kum ka dak jong ka jingdap 90 snem ka jingai jingshakri ka Akashvani kum ka nongai jingtip jong ka ri.
Ha kane ka prokram la ioh ia ki sur jingrwai na ki nongput nongtem bad na ki kynhun nongtem ba pawnam jong ka Meghalaya kiba kynthup ia ki jingrwai Khasi tynrai da Balahpynhun Mawlong bad ka kynhun, ki jingrwai Garo da Ahowee Folk Band bad ki jingrwai Jaintia da ka Seinraij Art & Culture Group.
Kila don ruh ki jingrwai pyrthei na ka Kong Shirley Passah bad ki jingrwai Hindi na ka Kong Ribhakupar Shadap, iba la jop ia ka thup Modern Folk jong ka NE Body can Sing ha u snem 2016, kaba long ka prokram ban wad ia ki briew ba don sap ha ka put ka tem ha ka thain shatei lammihngi ba la pynlong da ki Akashvani Station.
Haba ai jingkren kum u kongsan, u Principal Secretary ka Sorkar Meghalaya u Bah Frederick Roy Kharkongor, ula ong, “Kane ka long kum u mawmer uba kongsan. Ka Akashvani ka don ha palat 90% jong ka India. Wat hapdeng ki lad kiba bun kiba ngi don ha ka broadcast, print bad electronic media bad ka online media, ka jingshaniah ka kham bun ha ki khubor na ka Akashvani namar ki ai ia ka khubor kaba shai bad kaba lah ban shaniah”.
Ha kaba kren shaphang ka Mann Ki Baat, ula ong, “U Myntri Rangbahduh, Narendra Modi u iakren bad ki nongshong shnong shaphang ki kam bapher bapher. La bun ki bynta shaphang ka Meghalaya kiba la mih ha kine ki jingkren jong u Myntri Rangbahduh. Kumta haba ngi kren shaphang ka sur, ka jingpaw bad ka jingkongsan, nga tharai ba ka Akashvani ka don ha khlieh duh”.
Ula ai jingiaroh ia ka Akashvani bad ka Doordarshan kiba la pynbiang ia ka rynsan na ka bynta ki briew ba don sap kiba dang sdang pawnam bad kala ai ka lad ia ki ban poi sha ki iing ha kylleng ka jylla bad sha kiwei kiwei ki ri ruh.
“Katba phi rakhe ia kane ka jingdap 90 snem, sngewbha bteng ban leh ia kane ka kam kaba bha kum ka paralok bad ka sur jong ka ri, bad bteng ban wanrah ia ka jingbha, ka jingpaw bad ka sur ia ki riew don sap, ia ka kam pathai khubor bad ruh ia ka pyrthei baroh kawei” la ong u Bah Kharkongor.
, ha ka sngi Saitjain kila pynlong ia ka prokram ka put ka tem ha State Convention Hall ha Shillong kum ka dak jong ka jingdap 90 snem ka jingai jingshakri ka Akashvani kum ka nongai jingtip jong ka ri.){kind=link}