Shillong, Jymmang 21 : Ka bor District ka East Jaintia Hills kala pynjari ia ka kyndon 163 jong ka Bharatiya Nagarit Sanhita (BNSS), 2023, hapoh ka phyllaw jong ka Ophis u Deputy Commissioner ha Khliehriat hadien ka jingwan tur bad pynthut ki kynhun sengbhalang bad paidbah ia ka ingtreikam hapoh ka Ophis.
Kat kum ka hukum bala pynmih da u District Magistrate Manish Kumar, kane ka rai kala mih hadien ba ki dkhot bad ki nongkyrshan ka seng Jaintia Students’ Union (JSU) bad Jaintia National Council (JNC), bad ki nongshongshnong ka thain Daistong, kila wan pynlong ia ka jingiakhih hapoh ka phyllaw ka Ophis u DC ha ka sngi Balang.
Ka hukum ka ong ba ha kane ka jingiakhih,ki nongiakhih kila rung beain shapoh ka Ophis bad pynkulmar bad pynthut ia ka jingtreikam treijam jong ki nongtrei hapoh ka Ophis haba buh ruh ia ka ingma ia ka jingsuk bad jinshngain u paidbah.
Haba kdew ia ka jingsngewkhia ba lah ban don biang ka jingpynthut, ka jingmih ki jingkulmar bad ki jingpynjulor ia ki nongkynti ka Sorkar, ka bor District kala mana ban ialum paidbah ba 5 ngut ne palat hapoh u pud u sam ka Ophis u Deputy Commissioner.
Ka hukum, bala pynmih hapoh ka kyndon 163 BNSS, kala treikam mardor bad kan iai bteng ban treikam tad haduh da pynmih da kawei pat ka hukum.
Ka bor district ka maham ba kano kano ka jingpynkhein ia ka hukum kan khring ia ka jingpynsajia kat kumka ain hapoh ka kyndon 223 jong ka Bharatiya Nyaya Sanhita (BNS), 2023 nalor kiwei pat ki kyndon ain.
, 2023, hapoh ka phyllaw jong ka Ophis u Deputy Commissioner ha Khliehriat hadien ka jingwan tur bad pynthut ki kynhun sengbhalang bad paidbah ia ka ingtreikam hapoh ka Ophis.){kind=link}