Shillong, Jymmang 20 : Ka Sorkar Meghalaya ha ka sngi Balang kala ong ba ka dang ap ia ka jingmynjur na ka Karbi Anglong Autonomous Council (KAAC) ban iateh da ka kular ban nym pynthut ka kam rep kam riang ha Lapangap bad ki shnong ba marjan, kaba la sakhi ia ka jingkhie thymmai ka jingiakynad halor ka hok longtrai ia ka jaka rep.
U Symbud Myntri Rangbah ki kam Pohiing (Police) Bah Prestone Tynsong ula ong ba ki Heh Ophisar ka Jylla kila leit sha katei ka thain ha ka sngi Balang kum shibynta na ka jingpyrshang ban wanrah pat ia ka jingsuk, haba bynrap ba ki nongrep ka Lapangap kila rep ha kane ka jaka da ki pateng la pateng.
U iathuh ba u Myntri Rangbah Conrad K Sangma ula dep ruh ban iakren bad ka Sorkar Assam lem bad ki dkhot ka KAAC halor kane ka kam.
Kat kum ka jingiasngewthuh jingmut bala iamynjurlang, baroh arliang kila mynjur ban shah ia ka jingrep kba ha ki jaka ba don jingiakajia. Hynrei, ka Meghalaay kala pyrshah ban thung ia ki dieng ne kino kino ki jingthung kiba neh shirta halor ka nongrim ba kane ka lah ban lam sha ka jingkam trai pat ia kane ka jaka hadien habud ha ka jingiapynbeit pud.
U Bah Prestone ula ong ruh ba baroh artylli ki Sorkar kila mynjur ba ia kane ka kam ynsa pynbeit da ka jingiakren hapdeng ki Nongshongshnong bad ki Khlieh Nongsynshar, ha ka jaka jong ka jingtuklar da ki Pulit. Ki bor pahara kin dang iai bteng ban don ha ka thain tad haduh ban da wanphai biang ka jingsuk.
Hynrei, ka jingeh kala sahkut naba ka Jylla ka dang ap ia ka jingpynthikna jong ka KAAC.
Shuwa kane, u Nongaiktien ka Sorkar Bah Wailadmiki Shylla ula kynnoh ba ka KAAC kala kynran dien na ka nongrim ba ka ieng ha ka jingiakren bad kane kala buh ha ka jingeh ban pynbeit ia ka jingiakynad.
 ban iateh da ka kular ban nym pynthut ka kam rep kam riang ha Lapangap bad ki shnong ba marjan, kaba la sakhi ia ka jingkhie thymmai ka jingiakynad halor ka hok longtrai ia ka jaka rep.){kind=link}