Shillong, Iaïong 27 : Ka HID Foundation, kala kyntu ia u Myntri Rangbah ka Jylla Conrad K Sangma ba un tuklar bad leit iakren mardor bad ka Central Board of Secondary Education (CBSE), ba kan pynrung noh ia ka ktien Khasi hapoh ka thup pule jong ka CBSE.
Kat kum ka jingong ka Foundation, la ai jingmut ruh ia u Myntri Rangbah ba un leit iakren ruh bad ka Ministry of Education ka Sorkar India.
“Hadien ba ka sorkar jylla ka la pynbna ia ka ktien Khasi bad Garo kum ki ktien pdeng ha ka thoh ka tar ha ki ophis sorkar lane “State Official Language” nalor ka ktien phareng, ka Sorkar kam dei ban shu kut tang ha ka jingpynbna hynrei ka dei ban pyni da ka kam” ong ka Foundation.
Kala ong, Kaba kham kongsan eh ka long ba ka ktien ka dei ban rung noh mardor hapoh ka thup pule jong ka CBSE khnang ba ki khynnah pule kin ioh ka jingmyntoi kaba khraw. Lym kumta ym don jingmut satia ka jingpynbna ka sorkar ban pynlong ia ka ktien Khasi kum ka ktien ba la ithuh da ka ain hapoh ka jylla Meghalaya.
Shuh shuh ka Foundation ka la ong ruh ba ka sorkar ka dei ban pyrshang tikna ba ka ktien kan ioh rung ha ka Khyrnit kaba Phra jong ka Eighth Schedule hapoh ka Riti Synshar ka Ri India.
, ba kan pynrung noh ia ka ktien Khasi hapoh ka thup pule jong ka CBSE.){kind=link}