Shillong, Iaiong 10: Ka Assembly Estimates Committee ka la bthah ia ka Agency ba pyntrei ia ki project kiba hap hapoh ka tnat kam pohiing (Police) ba kin pynkloi noh ia ki jingtrei jong ki project jingtei ha Jylla.
“Ngi la iakren halor ki jingtei kiba la shna ha ka Jylla, la ka long ha ka thain Khasi ne ha ka thain Garo,” ong u Chairman ka Estimate Committee u Bah Mayralborn Syiem.
“Ngi la bthah ia ki ban leh kloi katba lah khnang ba kin pyndep ia ka jingdonkam katkum ki kyndon ba la buh ha ka mang tyngka u snem ba la dep.”
Ka Committee ka la kyntu ia ka Engineering Wing jong ka Police Headquarter bad MGCC ba kin buh hakhmat eh ia ki projek, ban pynthikna ban pyndep ha ka por bala buh.
U Bah Mayralborn u la ban jur ia ka jingdonkam ban leh stet ha ka jingpyndonkam ia ka mang tyngka ba la mynjur.
 ba kin pynkloi noh ia ki jingtrei jong ki project jingtei ha Jylla.){kind=link}