Shillong, Iaiong 09: Ka Hynniewtrep Integrated Territorial Organisation (HITO) ka pynpaw ka jingpyrshah ia ka rai jong ka Sorkar Meghalaya ban ai wai ia ka jaka kaba heh 66 akar hajan ka pung Umiam sha ka Indian Hotels Company Limited (IHCL) ban tei 5-star Taj Resort & Spa.
“Ngi sngewkhia ba kane ka Project ka lah ban ktah ia ka ioh ka kot bad iaka kamai kajih ki trai shnong bad iaka imlang sahlang” ong ka HITO ha ka shithi bala phah sha u Myntri Rangbah ka Jylla Conrad K Sangma.
“Ka jingdon lypa ki Hotel ba heh ka la ktah bha ïa ki Hotel bad Home Stay jong ki trai shnong, kaba la wanrah ruh ka jinghiar ka kamai kajih jong ki”.
Ka HITO ka la buh jingkylli ia ka jingmyntoi jong kane ka projek, da kaba kdew ia ka jingsngewkhia halor ka jingktah ia ka mariang, ka jingioh lum khajna, bad ka lad ioh kam ki samla trai shnong.
“Ngi kyntu ia ka Sorkar ban pyrkhat biang halor kane ka projek bad ban pynsangeh noh ban shim ia kino kino ki sienjam ban tei 5 Star Hotel hajan ka pung Umiam,” ong ka shithi.
Ka HITO ka la maham ba lada ka Sorkar kam sngap iaki jingdawa, ka Seng ka long kaba la pynkhreh ban lum paidbah ban ban iakhih naka bynta ban iada ia ki jingmyntoi jong ka imlang sahlang bad ban iada iaka mei mariang jong ka Meghalaya.
 ka pynpaw ka jingpyrshah ia ka rai jong ka Sorkar Meghalaya ban ai wai ia ka jaka kaba heh 66 akar hajan ka pung Umiam sha ka Indian Hotels Company Limited (IHCL) ban tei 5-star Taj Resort & Spa.){kind=link}