Shillong, Iaiong 04 : Ka Jaintia Students’ Union (JSU) kala aiti ia ka dorkhas ha u Myntri Rangbah Conrad K Sangma, ba kyrpad ban tuklar lem ha kaban iada ia ka jinglong hok ka elekshon bad ka hok ki riewlum ha ka thain ri-lum Jaintia.
Ka seng kala kyrpad ban wanrah jingpynkylla ia ka Assam and Meghalaya Autonomous District Council Rules, 1951, ban pynlong kongsan ia ka syrnot Scheduled Tribe (ST) na ka bynta ki kyrtong bad nongthep vote ha ka elekshon to Jaintia Hills Autonomous District Council (JHADC) elections.
“Ia kane ka sienjam la tyrwa ban pynthikna ba ki kyrtong bad ki nongthep vote ki dei ban dei ki trai ri trai muluk ba shisha jong ka ri-lum Jaintia” ong ka dorkhas.
Kala dawa ruh ban pynkylla ia ka Rule 8 bad Rule 128 ban pyrrkhing ba ka jingioh iakhun elekshon JHADC ka dei ban long beit thik tang ia ki riewlum trai muluk.
Ka Seng kala pynpaw ia ka jingsngewkhia halor ka jingnang kha roi ki nongthep vote bar jylla ha ki thain kum ha Lad Rymbai bad Lakroh, haba pyniadei ia ka jinglong jingman na ka kam tih dewiong bad ka jingwan rung beain.
Ka dorkhas kala dawa ban pyntreikam noh mardor ia ka Special Intensive Revision (SIR) jong ka electoral rolls ha ri-lum Jaintia.
 kala aiti ia ka dorkhas ha u Myntri Rangbah Conrad K Sangma, ba kyrpad ban tuklar lem ha kaban iada ia ka jinglong hok ka elekshon bad ka hok ki riewlum ha ka thain ri-lum Jaintia.){kind=link}