Shillong, Lber 27 : Ka North Eastern Indira Gandhi Regional Institute of Health and Medical Sciences (NEIGRIHMS) kala iatreilang bad ka AIIMS, New Delhi ban buh ia ka jaka sumar ia ki nonging ding (Burns Unit) ha Shillong, da ka jingthmu ban pynkhlain ia ka jingai jingsumar ha baroh kawei ka thain Shatei Lam Mihngi.
Ka jingiakren bad ka jingthmu ban pynkha ia kane ka Unit kala mih ha ka prokram halor ka “Capacity Building in Burn Care” bala pynlong hapoh ka Institute ha ka sngi Thohdieng, da ka thong ban pynkhlain ia ka jingai jingsumar ia ki briew ba ing ding ka Jylla Meghalaya bad ka thain Shatei Lam Mihngi baroh kawei.
Haba ai jingkren sha ki nongtrei ka NEIGRIHMS, u Prog Maneesh Singhal, Head of Department of Burns & Plastic Surgery, AIIMS New Delhi, ula ai ka jingbatai halor ki jingdonkam kiba donkam na ka bynta ban buh ia kane ka jaka sumar (burn unit), kynthup ka jingjied ia ka jaka, ka jingplan ia ka jingtei, ka jingdonkam nongtrei bad ki tiar ki tar ba donkam.
La ban jur ba ka burn unit ka donkam ia ka jingiatreilang na ki Tnad sumar bapher bapher kynthup ka clinical, para-clinical, paramedical, bad administrative sections, ban pynthikna ia ka jingsumar kaba bniah ia ki nongpang.
Ka AIIMS New Delhi kala kular ban ai ka jingkyrshan bad ka jingiatreilang kaba neh bun bun snem bad ka NEIGRIHMS ha kaban pynkhlain ia ka jingai jingshakri ha ka jingsumar ia ki briew ba ingding hapoh ka thain/
 kala iatreilang bad ka AIIMS, New Delhi ban buh ia ka jaka sumar ia ki nonging ding (Burns Unit) ha Shillong, da ka jingthmu ban pynkhlain ia ka jingai jingsumar ha baroh kawei ka thain Shatei Lam Mihngi.){kind=link}