Shillong, Lber 24 : Ka Jaintia Students’ Union (JSU) kala ai por shibnai (30 sngi) ia ka National Highway Authority of India (NHAI), haba dawa dain kuna, shna thymmai biang bad pynsangeh ia ka jinglum khajna namar ka jingkynnoh trei torti ia ka surok National Highway ha ki bynta jong ka West Jaintia Hills.
Ha ka shithi sha u Project Director ka NHAI, u President ka JSU-Jowai Circle Borntifulson Rupon ula ong b aka surok, kaba dang shu aiti dang shibnai ne arbnai, mynta kala pyni ia ka “jingdon ki thliew kiba heh, ki maw kiba paw tyngkrein bad ka jingsiang rong ka bym iaryngkat ne long kumjuh.
Ka Seng kala ong ba kane ka dei ka sakhi ia ka jingleh bym suidniew, jingpyndonkam ia ki tiar kiba tad dor bad ka jingpynkhein ia ki kyndon iateh contract da ka kompani ba pyntrei ia ka kam ka PBPL bad u Managing Director Md Matlebuddin Ahmed.
“Ka jingpynjari ban hap siew beit ia ka khajna ha Pasyih Toll Gate….ka long kum ka jinglute pyllein pyllein na u paidbah” ong ka shithi” ula ong haba bynrap “Ki nongleit nongwan ki shah pynbor ban siew ia ka jingtei kaba pynsyllang ia u paidbah bad buh ha ka jingma ia ki kali bad ka jingim briew”.
Ka JSU kala buh ia lai tylli ki jingdawa ba ka NHAI ka dei ban pyntreikam ia ka kyndon dain kuna pyrshah ia ka kompani PBPL bad u Ahmed, u contractor u dei ban shna thymmai biang ia ki bynta jong ka surok bala sniew bad ban pyndep ia kine ki jingdawa hapoh ka 30 sngi.
“Lada jia ba ka NHAI bad PBPL kim leh eiei…ka Seng kan shim ia kane ka kam hala ka jong ka kti” maham ka JSU haba byrngem ba kan pynsangeh syndon ia ka jinglum khajna ha Pasyih Toll Gate bad khang syndon ia ka jingtreikam u contractor.
Ka seng kala pyndait lang ruh ia ki dur ki dar kum ki sakhi.
 kala ai por shibnai (30 sngi) ia ka National Highway Authority of India (NHAI), haba dawa dain kuna, shna thymmai biang bad pynsangeh ia ka jinglum khajna namar ka jingkynnoh trei torti ia ka surok National Highway ha ki bynta jong ka West Jaintia Hills.){kind=link}