Agartala, Lber 24 : Ka Bharatiya Janata Party (BJP) kaba don ha ka liang synshar kala rai ba kan ia khun ia ka election sha ka Tripura Tribal Areas Autonomous District Council (TTAADC) marwei hadien ka jingiakren ban ia sam constituency bad ka TIPRA Motha Party bad ka Indigenous People’s Front of Tripura (IPFT) — kala dkut noh.
Kane ka rai la shim ha miet sngi Nyngkong ha ka jingialang jong ka BJP core committee, ha kana u Chief Minister u Manik Saha u la pyntikna ba baroh ki kyrtong kiba la shah jied na baroh ki 28 tylli ki constituency.
Ia ka thup kyrteng la dep ban phah sha ki nongialam ba ha khlieh duh jong ka party ha Delhi ban ioh ka jingmynjur, bad ka jingoynbna paidbah la khmih lynti ba yn sa pynbna shen.
Kane ka sien jam kala kut noh hadien ba la shu antad ban don ka jingiateh lok hynrei mynta la hap ban iakhun pyrshah beit bad ki paralok barim ha kane ka election ADC kaba donkam bha.
