Shillong, Lber 24: Ka Meghalaya SSA Schools Association (MSSASA) kala pdiang ia ka rai ba la shim da ka sorkar ban pynjynsur ia ki kyndon bad ia ka Qualifying Marks na ka bynta ki nonghikai kiba dang trei ia ka kam kiban iakhun ia ka Meghalaya Teacher Eligibility Test (MTET) 2026.
“Ngi phah ia ka jingsngewnguh ia ka sorkar MDA hapoh ka jingialam u Myntri Rangbah Conrad K Sangma bad khamtam ruh ia u myntri ka pule puthi u Bah Lahkmen Rymbui kiba la ai ka jingmynjur ban pynjynsur ia ki kyndon bad ia ki qualifying marks na ka bynta ki nonghikai kiba dang don ha ka kam,” la ong u Preaident ka MSSASA u Bah Aristotle C Rymbai haba iakren bad ki nongthoh khubor hynne ka sngi Nyngkong.
U Bah Rymbai ula ai jingiaroh ia ka jingialang kaba la long ha Nailur bad Naiwieng bad u Bah Rymbui, bad ong ba u Myntri ula pynthikna ban ai jingkyrshan ia ki nonghikai kiba dang don ha ka kam, ka jingkular kaba la lah ban pynurlong mynta.
“…Mynta ngi lah sakhi ba kaei kaba ngi lah iakren ha u Nailur bad Naiwieng kala kylla long ka jingshisha”.
“Na ka bynta baroh ki nonghikai kiba don ha ka kam, ki kyndon mynta kin long ha ka rta jong ka jingtreikam ka jongki, ym shuh da ki kyndon kiba pyrkhing bha na ka bynta kito ki kyrtong ki bym pat trei,” la batai u Bah Rymbai bad ka pyntip ba “Ka qualifying marks kan long 68 ha ka jaka jongka 90 na ka 150 na ka bynta ki nonghikai kiba dang don ha ka kam”.
 kala pdiang ia ka rai ba la shim da ka sorkar ban pynjynsur ia ki kyndon bad ia ka Qualifying Marks na ka bynta ki nonghikai kiba dang trei ia ka kam kiban iakhun ia ka Meghalaya Teacher Eligibility Test (MTET) 2026.){kind=link}