Shillong, Lber 23 : U Myntri Rangbah ka Jylla Conrad K Sangma, ula buh ka jingkyntu ia ka Khasi Hills Autonomous District Council (KHADC) bad Jaintia Hills Autonomous District Council (JHADC), ba kin pynkylla lang noh ia ka AD Rules, ka ban pynthikna ba tang ki riewlum trai ri trai muluk kin ioh iashimbynta ha ki elekshon ADC.
Kane ka jingkyntu kala mih hadien ba ka Garo Hills Autonomous District Council (GHADC) ha ka sngi Nyngkong, kala wanrah bad mynjur ia ka amendment jong ka AD Rules hapoh ka Dorbar Kyrpang, kaba pynlong kongsan ia ki kyrtong ba kin hap don ia ka syrnot Scheduled Tribe (ST) ba kin ioh iakhun ia ka elekshon bad thep vote.
Haba thoh ha X, u Conrad ula ong “ Ka sngi sah jingkynmaw ia ka GHADC ba kala pynkylla ia ka Rules kaba pynlong kongsan ban don ia ka syrnot ST ha kaban iakhun ia ka elekshon GHADC…ka jingdawa bala sahteng la 74 snem….Kyntu ia ka KHADC bad JHADC ban mynjur lang ia ka Amendment haka mynsiem ba shisha jong ka jinglong jaidbynriew riewlum”.
Historic day for GHADC where amendment to rules was made where it was made mandatory to have ST certificate to contest in the GHADC elections … a long pending demand of 74 years … Urge KHADC and JHADC to also pass the amendment in the true spirit of Tribal Identity …
— Conrad K Sangma (@SangmaConrad) March 23, 2026
Lah ban kdew hangne, tang ka Khun Hynniewtrep National Awakening Movement (KHNAM) kaba la pynmih ia ka jingdawa la bun snem mynta ban pynkylla ia ka kyndon 128 jong ka Ad Rules, kaban khang ia ki bar jylla ba kin iashimbynta ha ka elekshon KHADC, hynrei kane ka mat kala shu sahkut tang ha ka jingdawa bad kam pat don kawei ruh ka Executive Committee naduh kiba rim haduh kaba mynta, ka ban ktaid ia kane ka sobjek ne ka mat.
 bad Jaintia Hills Autonomous District Council (JHADC), ba kin pynkylla lang noh ia ka AD Rules, ka ban pynthikna ba tang ki riewlum trai ri trai muluk kin ioh iashimbynta ha ki elekshon ADC.){kind=link}