Shillong, Lber 23 : Ka Garo Hills Autonomous District Council (GHADC) ha ka sngi Nyngkong, kala ai ka jingmynjur ia ka amendment jong ka Assam & Meghalaya Autonomous District (Constitution of District Council) Rules, kaba pynlong kongsan ia ka syrnot Scheduled Tribe (ST) na ka bynta ki kyrtong ba iakhun ia ka elekshon ka Council.
Ia kane ka amendment Bill la mynjur da kawei ka sur ha ka Dorbar Kyrpang jong ka Council, kaba la khot pynlong da u Lat ka Jylla ban wanrah jingpynkylla ia ka AD Rules.
Kane ka amendment kala jia hadien ka jingkulmar bad ka jingkynad pher Jaidbynriew kaba mih na ka jingpyrshah ia ki bar jylla ba kin iakhun bad thep vote ha ka elekshon GHADC.
Namar kane, ka Sorkar kala hap ban pynkynriah ia ka elekshon kaba la buh ban long ha ka 10 tarik Iaiong bad hadien, kala rai ban pynjlan ia ka samoi treikam ka Council sa hynriew bnai, ban ailad ia ka Executive Committee ba thymmai ba kan wanrah ia ki jingpynkylla ia ka AD Rules kat kum ka jingkwah u paidbah.
Da ki hajar ngut ki paidbah kila ialum hakhmat ka Ophis jong ka NPP ha Tura ban iakynhoi iarisa halor ka jingioh khubor ba ka GHADC kala ai jingmynjur ia ka amendment jong ka AD Rules ba pynlong kongsan ia ka syrnot ST na ka bynta ki kyrtong kiba kwah iakhun ia ka elekshon GHADC.
 ha ka sngi Nyngkong, kala ai ka jingmynjur ia ka amendment jong ka Assam & Meghalaya Autonomous District (Constitution of District Council) Rules, kaba pynlong kongsan ia ka syrnot Scheduled Tribe (ST) na ka bynta ki kyrtong ba iakhun ia ka elekshon ka Council.){kind=link}