Shillong, Lber 13: U Lat ka Jylla Meghalaya CH Vijayashankar ha ka sngi Thohdieng, u la pynlait paidbaj ïa ka mobile food processing unit da kaba thmu ban pynpoi iaki kor teknoloji pynmih mar na ki marrep beit beit sha ki nongrep ka Jylla.
Kane ka Unit bala pynmih da ka Northeast Centre for Technology Application & Reach (NECTAR) haka jingiatreilang bad ka Mysuru’s CSIR‑CFTRI, ka lah ban shna ia ki marbam lyngba ki mar rep hapoh ki jaka rep.
Haba kren ha kane ka sngi, u Lat u la jer ïa ka MPU kum ka nuksa ban wanrah ïa ki kor teknologi kham jan sha ki nongrep da kaba ong ba ka pynkupbor ïa ki nongshong shnong ……bad thaw ïa ki lad kamai kiba lah ban neh na ka bynta ki nongrep bad ki nongseng kam seng jam.
U Lat u la pyllait ia ka MPU kaba la pyni ia ka sienjam kaba kongsan ban wanrah ia ki jaka pynmih marbam katkum ka juk stad mynta kiba kham jan sha ki jaka rep haki thaiñ nongkyndong bad ki jaka ba jngai.
U Director General ka NECTAR Dr Arun Kumar Sarma u la ong ba kum kine ki jingthmu ki dei shi bynta jong ka jingpyrshang ka tnad ban pyndonkam ia ka science bad technology na ka bynta ka roi ka par jong ka thain shatei lammihngi” bad ban kyntiew ia ka kamai kajih ha ki jaka ba dang sahdien.
U Director ka CSIR‑CFTRI u Dr Giridhar Parvatham ula ban jur iaka jingiatreilang hapdeng ki kor Teknologi naka bynta ban wanrah ka jingkylla hapoh ka thaiñ.
