Shillong Lber 12: Ka Hynniewtrep Youth Council (HYC) kala dawa ia u Superintendent of Police, East Jaintia Hills District, ban buh Police Outpost ha ka thain Bataw ba kan kham pynbha ia ka shongsuk shongsain bad ban ai ka jingshngain ia ki paitbah.
Ka HYC hapoh ka jingialam u President ka HYC East Jaintia Hills District Bah Preios Pale, kila iakynduh markhmat ia une u Heh Pulit bad aiti da ka dorkhas kiba kdew ia ki mat jingdawa.
Kat kum kane ka dorkhas la pynpaw ba ka thain Bataw, Lakadong, Lama, Borkhat bad ki jaka kiba marjan kynthup ia ki jaka kiba don ha ki khappud bad kawei pat ka ri, kidei kiba hap hapoh u pud jong ka Lad Rymbai Police Outpost. “Namar ka jingjngai bad ka jingiar ka jaka lyngba ka jingkhmih jong kane ka Outpost kaba mynta, ki nongshong shnong ki ju mad bun ki jingeh ha kaban ioh ia ka jingiarap na ki pulit ha ka por kaba biang haba mih kino kino ki jingjia” ong ka HYC.
Nalor kane, kala pynpaw ba bun ki nongshong shnong kim lah satia ban ioh ia ka hok haba don kino kino ki jingjia kiba rit, namar ki hap ban leit da bun kilomitar tang ban buh jingujor. Ka ong ba kane ka lam sha ki jingmih jong ki jingjia ia kaba ym shim la leit satia ban ujor sha ki pulit.
Ka Council kala banjur ba namar ba kala don ka jingkiew ha ka jingdon ki briew bad ruh ka jingheh ka kam khaii pateng ha ka thain, kumta ban buh noh ia ka Police Outpost ha thain Bataw kan iarap ha kaban pynkhlain ia ka jingshakri ki pulit, ban pynthikna ba kin lah ban poi mardor haba mih kino kino ki jingjia bad ban kyntiew ia ka jingai jingiada bad jingshngain ia ki paitbah.
 kala dawa ia u Superintendent of Police, East Jaintia Hills District, ban buh Police Outpost ha ka thain Bataw ba kan kham pynbha ia ka shongsuk shongsain bad ban ai ka jingshngain ia ki paitbah.){kind=link}