Shillong, Lber 09 : Ki bor District ka West Garo Hills ha ka sngi Nyngkong, kila pynjari da ka korphiw naduh ka por 6 baje janmiet haduh 6 baje mynstep ha ki 37 tylli ki Shnong kiba la ithuh kum ki “jaka ba don jingma ban mih ka huri hura” hadein ba pyrshah ki Sengbhalang ia ki bar Jylla ban thep kyrteng kum ki kyrtong ha ka elekshon GHADC.
U District Magistrate Vibhor Aggarwal ula pyntreikam ia ka kyndon 163 BNSS, kaba khang ban ialum briew haduh san ngut ne palat bad rah tiar pynmynsaw ha ki 17 tylli ki Shnong kiba hap hapoh ka Gallidayganj bad 20 tylli ki shnong kiba hap hapoh ka Phulbari Police Station-katba dang iaid ka jingiathep kyrteng ki kyrtong sha ka elekshon naduh ka 9-16 tarik Lber.
Ka hukum ka pynpaw ia ka jingma ba lah ban pynthut ia ka leit ka wan ki kali, ka jingpynshit bad jing mih ki jingsngew iapher jaidbynriew ha ki jaka them ka District kiba iashong khleh jaidbynriew.
“Kano kano ka jingpynkhein ia kane ka hukum kan khring ia ki kyndon pynshitom hapoh ka kyndon 223 jong ka BNS bad kino kino ki kyndon ba iahap kat kum ka jingidei bad iahap” ong u Aggarwal ha ka hukum.
