Shillong, Lber 05 : U Nongialam ka United Democratic Party (UDP) Bah Paul Lyngdoh ula pynthikna ialade ban nym mih satia ha kaban iakhun ia ka elekshon MP shiteng samoi na Shillong, kaban sa pynlong namar ka jingkhlad noh u MP Dr Ricky AJ Syngkon myn ha ka 19 tarik Rymphang.
Haba kren sha ki lad pathai khubor, une u MLA ka Swest Shillong ula pynpaw ba ki jingpynleit jingmut jong u ka dang iai long ki jingeh ba don ha ka Jylla.
“EM, Nga la pynleit jingmut pura halor ka sain pyrthei ha Jylla namar ki dang don shibun kiba hap ban leh ha Jylla. Ka don ka jingduna kaba shai bha ha ka jingdon ki nongialam ba lah ban trei ha ka Jylla. Kumta, ka jingpynleit jingmut jong nga ha kane ka khyllipmat ka long tang hapoh u pud u sam ka Meghalaya” ong u Bah Paul.
Ka party, u pynpaw, ka don ia ki nongialam kiba tbit, hynrei u kwah ban pyndep shuwa ia kane ka samoi treikam jong ka Assembly hadien bala dep jam mar shiteng ka lynti iaid.
“Ngi dang shu jam ia ka arsnem shiteng jong kane ka samoi treika,. Nga kwah ban pynthikna ba ngan pyndep shuwa ia kane ka samoi ka ban pynhun ym tang ia ki nongthep vote ka West Shillong hynrei jong ka Jylla” ula bynrap.
Haba kylli la un pdiang ia ka jingkyrpad ka party ba un iakhun ia ka elekshon Lok Sabha, u Bah Paul ula jubab “Ngan kyntait da kaba don burom ia kum kane ka jingkyrpad”.
Halor ka elekshon GHADC, u Bah Paul ula ong ba ka UDP kam pat iakynduh satia ban iakren ia kaei kaba kan leh.
“Kumba la kren da u General Secretary, ngin dang ban iashim rai halor kane. Ngam don jingtip satia namar ka party kam pat iakynduh” ula ong.
 Bah Paul Lyngdoh ula pynthikna ialade ban nym mih satia ha kaban iakhun ia ka elekshon MP shiteng samoi na Shillong, kaban sa pynlong namar ka jingkhlad noh u MP Dr Ricky AJ Syngkon myn ha ka 19 tarik Rymphang.){kind=link}