Shillong, Lber 03 : Ka Joint Coordination Committee on Reservation Policy (JCCPR) kala kyntait mar dor ia ka kaiphod jong ka Expert Committee on the State Reservaton Policy bad ban jur ban phiah ha ki lai bynta ia ka bhah thungkam ba 80% hadpeng ki Khasi, Jaintia bad ki Garo.
Ha ka kyrwoh ba pynlait ha ka sngi Ba-ar, ka JCCRP ka iathuh ba ka jingialang ba pynlong haka sngi Nyngkong, kala wanrah lang ia baroh ki seng nalor ki riewshemphang bad ki nongmihkhmat ka ri-lum Jaintia, bad shim iaka rai ban pan ia ka jingbishar ba hok bad ia ka bhah ba shonghok na ka bynta ki paidbah ka ri-lum Jaintia, kaba pynshong nongrim ha ki kyndon ka Riti Synshar ka Ri”.
Ka kynhun kala iasaid ba ka jingpynwandur ia ka bhah ka dei ban paw ruh ia ki lai tylli ki Autonomous District Council-ka JHADC, KHADC bad GHADC.
“Kano kano ka policy ba iadei bad ka Reservation ka dei ban pynbeit ryntih kat kum ka jingai jingithuh ka riti synshar jong kine ki Council”, kala ong.
Ka JCCRP ka dawa ruh ia ka Sorkar MDA ba kan leh ia ka Socio-Economic Survey ha baroh lai tylli ki ADC, haba ong ba kino kino ki rai ba shim hadien habud ki dei ban long kat kum ka jingkhein, kaba leh khuid, bad kaba pyni kat kum ka jinglong jingman”.
 kala kyntait mar dor ia ka kaiphod jong ka Expert Committee on the State Reservaton Policy bad ban jur ban phiah ha ki lai bynta ia ka bhah thungkam ba 80% hadpeng ki Khasi, Jaintia bad ki Garo.){kind=link}