Shillong, Lber 02 : U Symbud Myntri Rangbah ba khmih ia ka Tnad Pynroi Sor Bah Sniawbhalang Dhar ula pyntip ba haduh 1.21 lak ton ka jaboh barim yn sa pynkhuid noh na Marten, ia kaba ka kam la khmih lynti ban pyndep hapoh u bnai Jylliew 2026.
Ka jaboh kaba rim ba la kynton ha Marten ka don haduh 3,45,996 MT, ia kaba 2,24,143 MT lah dep ban pynkhuid.
U Myntri u ong ba ka technology bala pyndonkam kala iaid kat kum ki kyndon sumar mariang jong ka pyrthei bad kam shym la don kano kano ka jingdain kunai a ki contractor.
Ia ka project ban pynkhuid ia ka marten la mang haduh T.24.4 klur, ha kaba T.12.75 klur lah pynlut haduh mynta.
Ia ki sboh bala tih lah leh test ia ka jinglong bih ha NABL bad ia ka jingbrey ne pyndonkam biang lah batai shai ha ka kaiphod. Ia kane ka project la pyntrei da ka M/s Call & Fix ba na Guwahati.
U ong bay m shym la leh shuh ia ka Environmental Impact Assessment halor kane namar ka jingtih ia ka sboh kam dei kaba la khein kum ka project thymmai hapoh ka ain ba mynta.
U bah Sniawbha ula pyntip ia kane ha ka jubab jong ka Jingkylli unstarred question bala wanrah ha ka Dorbar Mang tyngka ba dang shu kut.
