Shillong, Lber 02: U Myntri ka Sorkar Pdeng ba khmih ia ka Tnad Social Justice and Empowerment Virendra Kumar ha ka sngi Nyngkong, ula ong ba ka Meghalaya kala pyndep ban tei haduh 23,624 tylli ki iing hapoh ka Pradhan Mantri Awas Yojana (Urban & Gramin) na ki 25,000 tylli kiba la dep ban bhah, ha kaba ki nongioh jingmyntoi kila ioh pdiang ruh ia ka bording, umbam bad ki paiñkhana lyngba ki skhim sorkar.
“Ka PM Awas Yojana ka long u païa ba kongsan jong ka jingpynkup bor ia ka imlang sahlang” ong u Kumar haba lum ia ka jingialang ha State Guest House, Tara Ghar bad ka bynrap ba ha ka ri baroh kawei, la lah ban pyndep haduh 4 klur tam naduh u snem 2014.
“Ym don mano mano ruh kiban shah pynduh” ula ong bad ka kyntu ba ka sorkar kan ialeh ban pynioh ia baroh.
Ula pynpaw ba ka jingshim ia ka LPG kam shim la kynjoh sha ka thong kumba la buh bad ula kyntu ba donkam ban trei ia ka kam ban kynjoh sha ka 100 percent.
Ha kane ka jingialang la wan ban iashimbynta da u Nongaibuit ka tnad Social Welfare u Bah Paul Lyngdoh, ka Deputy Commissioner ka East Khasi Hills ka Kong RM Kurbah, ki heh ophisar sorkar ha kaba kila ia khmih bniah ia ka jingpyntreikam ia ki skhim bad ia ki prokram bapher.
U Kumar ula ong, ba ka jingiatrei lang bad jingshimkhia jong u Myntri Rangbahduh ka ri u Narendra Modi bad u Myntri Rangbah ka jylla u Conrad Sangma ka long kum ka sorkar kaba don artylli ki enjin bad ula shem ba ha kiba bun ki tnad sorkar ka rukom pyntreikam ia ki kam ki jam ka long kaba biang bha.
Ha kaba iadei bad ka rukom im, ula kdew ia ka Viksit Bharat–GBC Rozgar‑Ajeevika Mission (Gramin) kum ka bynta kaba kyntiew ia ka thain nongkyndong bad ka ong, ba ka thong jong ka Sorkar Pdeng ka long ban pynkylla ia ka jinglah sha ka jingbit jingbiang kaba iar lyngba ka jingiatreilang hapdeng ka Sorkar Pdeng bad ka Sorkar Jylla.
 na ki 25,000 tylli kiba la dep ban bhah, ha kaba ki nongioh jingmyntoi kila ioh pdiang ruh ia ka bording, umbam bad ki paiñkhana lyngba ki skhim sorkar.){kind=link}