Byrnihat, Lber 01 : Kawei ka Longkmie ba 27 snem ka rta, kala iap hashen hadien ka jingshah rat bad shah iuh ha kawei ka trok (ka bym tip nombor) ha ka janmiet sngi U Blei ha 12 Mer, hajan ka Ophis CTI, Byrnihat.
Kane ka jingjia kala jia ha ka por 3 baje eiei bad la iathuh ba kane ka trok, kala phet krad na katei ka jaka.
Kat kumka jingithuh ki Pulit, kane ka longkmie ba iap ka kyrteng ka Absana Khatun, kaba deon na Dharamyila Dalgaon, Daring District, Assam bad kaba trei ha kawei ka hotel ha Byrnihat.
La iathuh ba ka trok kala rat ia kane ka longkmie katba ka dang iaid lynti ha surok bad kane ki taiar kila ioh iuh ia ka na ki bynta ka khlieh.
Ki paidbah ba iohi ia kane ka jingjia, kila pyntip mar mar sha ki Pulit ka Byrnihat Police Station, kiba la wan poi sha ka jaka ban tohkit bad leh ia kaba donkam. Ia ka met la pynkit noh sha ka jaka buh metiap ha Nongpoh Civil Hospital.
 ha ka janmiet sngi U Blei ha 12 Mer, hajan ka Ophis CTI, Byrnihat.){kind=link}