Shillong, Rymphang 27 : Ka Voice of the People Party (VPP) ka phaikhmat mynta sha ri-lum Garo, da ka jingthmu ban pynkhyllem ia ka National People’s Party (NPP) ha ka elekshon 2028.
“Hooid kane ka dei ka jingtip ba iabna lut. Watla ngam ong ma nga, ki briew kila antad lypa ba ka jingiakhun ha u 2028 kan long hapdeng ka VPP bad NPP” ong u President ka VPP Bah Ardent M Basaiawmoit haba iakren bad ki nongthoh khubor ha ka sngi Thohdieng.
“Ia mynta, ka don ka jingpyrkhat ba ka VPP kan leh ha ha ri-lum Khasi bad Jaintia, bad ka NPP ha ri-lum Garo. Hynrei nga ong ha phi, kan long kaba pher bha shisien ba ngi la rung ha u snem pynkhreh elekshon”.
Haba kylli la ka VPP kan iakren ia u Myntri Rangbah barim Mukul Sangma ban ialam ha ri-lum Garo, u Bah Ardent ula kyntait. “Ngimngeit ha kum kane ka rukom leh politics” ula ong.
“Ka jingkhein sain pyrthei jong ngi ka iapher. Ngi ngeit ha ka nongrim, ki nongrim treikam bad ki ishu bad ngim iapein satia ia ki” ula ong.
U bah Ardent ula ban jur ba ka Party kan ym duh ban don ia ki nongialam ha ri-lum Garo, haba kdew ia ka nuksa u (L) Dr Ricky AJ Syngkon, uba la pynieng da ka VPP bad jop ia ka Shillong Lok Sabha seat.
U Bah Ardent ula pyntip ba ka jingwan jong ki briew na ri-lum Garo ka long kaba itynnad bha.
“Ngi la hiar bha sha ri-lum Garo ha ki por bala leit ha kaba ngi kwah ba ki briew kin tip ia ka jingthmu, ka thong bad ki nongrim jong ngi. Kane ka dei ka mishon ba nyngkong” ula ong.
“Nga kmen ban iathuh ha phi ba ki paid ka Ri-lum Garo kila phai sha ka VPP kum ka regional party ba marwei, kaba don shisha ia ka jingsngewkhia na ka bynta ka bha ka miat ki riewlum ka Meghalaya” ula ong.
 ka phaikhmat mynta sha ri-lum Garo, da ka jingthmu ban pynkhyllem ia ka National People’s Party (NPP) ha ka elekshon 2028.){kind=link}