Shillong, Rymphang 27 : Ka Jaintia Students’ Union (JSU) kala pynrem jur ia ka jingpyrshang jong u President ka VPP Bah Ardent M Basaiawmoit ban weng ia ka Jaidbynriew Jaintia (Pnar) na thup Reservation ki Scheduled Tribe.
Ha ka kyrwoh ba pynmih ha ka sngi Thohdieng, ka JSU kala ong “Ka JSU kam mynjur satia ia kano kano ka rukom pyrthat kaba thmu ban pynduh ia ka ktien thylliej bad ka jinglong kyrpang ki Pnar/Jaintia na Meghalaya”.
Kala kdew ia ka jinglong kyrpang jong ka Jaidbynriew, ka kolsjor bad ka jingithuh da ki bor Sorkar bad ka riti synshar ka ri.
Ka JSU kala kyntu ia ka jingiatylli ki paid Jaintia, bad ong “Kane ka dei ka por kaba kongsan bha na ka bynta ka jingiatylli ha kaba iada ia ka jinglong kyrpang jong ngi, khnang ba ki jaitbynriew Jaintia kin ym shah weng, shah pyndam, ne shah pyniasoh bad kawei pat ka jaitbynriew.”
 kala pynrem jur ia ka jingpyrshang jong u President ka VPP Bah Ardent M Basaiawmoit ban weng ia ka Jaidbynriew Jaintia (Pnar) na thup Reservation ki Scheduled Tribe.){kind=link}