Shillong, Rymphang 26 : U Myntri bording Bah Metbah Lyngdoh ula pyntip ha Iingdorbar Thaw Ain ba ka jingpyntreikam ia ka Dam Rehabilitation and Improvement Project (DRIP) kala dep kumba 32% bad kala iaid ha ka lynti kaba dei ban lah pyndep hapoh u 2028, ka ban wanrah ia ka jingshngain bad jingshakri bha ki Dam ha Meghalaya.
“Ka Meghalaya ka dei kawei na ki 18 tylli ki Jylla kiba shah kynthuh ha ka DRIP Phase-II bad III, kana kot ia ka jingmang pisa ba T.441 klur bala ai sha ka MePGCL” ong u Bah Metbah haba jubab ia ka cut motion.
Ka project bala beit da ka World Bank bad Asian Infrastructure Investment Bank, ka thmu ban pynkhlain ia ka jingshngain bad jinglah treikam bha jong ki saw tylli ki dam : Umiam Stage-I, Umiam-Umtru Stage-III, Umiam-Umtru Stage-IV, bad Myntdu Leshka Stage-I.
“Ka jingthmu jong ka DRIP-II ka long ban pynkhlain ia ka jingshngain bad ka jinglah treikam bha jong ki dam bala jied” ong u Bah Metbah.
Ia kane ka project la pyntreikam da ka ram ba 80% na ka World Bank bad 20% ka jingbei tyngka ka Sorkar Jylla.
“Ka project mynta kala dep 32% bad la khmih lynti ba kan dep pura hapoh u 2028” ong u Myntri haba pyntip ba la buh ruh ia ka mang tyngka ba T.70 klur ban lah pyndap ia ki jinglut jingsep jong kane ka project.
Ula pynthikna ba ka Sorkar kala kut jingmut ban pyndep ia ka project ha ka pork aba la buh.
 kala dep kumba 32% bad kala iaid ha ka lynti kaba dei ban lah pyndep hapoh u 2028, ka ban wanrah ia ka jingshngain bad jingshakri bha ki Dam ha Meghalaya.){kind=link}