Shillong, Rymphang 26 : U Myntri ka tnad Bording Metbah Lyngdoh ula pyntip ha Iingdorbar Thaw Ain ba ka jingshna pyn bha bad jingpyndait ia ki tiar ka juk mynta (Renovation & Medernization) jong ka Umiam Stage-II Hydroelectric Power Plant kala jan dep artad, bad la khmih lynti ban plie noh ia ka hapoh u bnai Jylliew 2026.
“Ka skhim ka kynthup ia ka jingpyndep pura ia ka jingshna pynbha bad pyndait tiar thymmai jong ka Umiam Umtru Stage-III Power Station…namar kane ka project, ka jingpynmih bording jong ka Umiam Stage-II kaba ju long 2×30 MW la khmih lynti ba kan kiew sha ka 2×33 MW, kata, ka jingkiew ka jingpynmih bording da 6 MW” ong u Bah Metbah haba jubab ia ka cut motion.
Ia kane ka project kba kot ka jingpynlut T.407.36 klur, la pyntrei lyngba ka Externally Aided Project (EAP) ha kaba 77.6% la bei na ka JICA Official Development Assistance Loan bad 22.4% na ka Sorkar Jylla.
“Ka bynta jong ka project ka ban bei da ka Sorkar Meghalaya kan kot ia ka T.91 klur” bynrap u Bah Metbah.
Ka jingmang tyngka ba T.80 klur ka long kaba donkam ban pyndep ia ka project.
 jong ka Umiam Stage-II Hydroelectric Power Plant kala jan dep artad, bad la khmih lynti ban plie noh ia ka hapoh u bnai Jylliew 2026.){kind=link}