Shillong Rymphang 25: Ka Ri India kan pyrshang ban tehlakam ia ka jingpang HIV hapoh ka 1 Tarik u Nohprah 2027 kaba dei ka World AIDS Day, hapoh jongka Mission AIDS Suraksha, la ong u Additional Secretary bad NACO Director General u Dr Rakesh Gupta ha ka jingplie ia ka jingialang kaba 3 sngi jong ki jylla ka thain shatei lammihngi kaba la long hynne ka sngi Baar.
Ka jingialang ha Guwahati, kaba dei kaba nyngkong na ki 11 tylli ki jongka Suraksha Sankalp Karyashalas kaba la thmu ban pynlong ha ka ri naduh u Rymphang haduh u Lber 2026, kala lumlang ia ki 60 tylli ki District kiba hakhmat eh jongki 7 tylli ki jylla ka thain shatei lammihngi. Ka Meghalaya kala pynleit jingmut ha ka thain East Jaintia Hills, East Khasi Hills, Ri-Bhoi bad West Jaintia Hills ha kaba ki kynhun jong ki district ki dang trei ia ki kam ban poi sha ka kyrdan jongka Surakshit Plus da kaba kynjoh sha ka 95-95-99 ia ka thong: 95% ki briew kiba im bad ka jingpang HIV bad ka jingtip ia ka jinglong jingman ka jongki, 95% na ki kiba don ha ka ART bad 99% kiba dei kito kiba la ioh ia ka jingsumar.
“Ki jylla ka thain shatei lammihngi kidei kiba la buh hakhmat eh, 60 na ki 219 tylli ki district kiba la buh hakhmat bha ki don hangne” ong u Gupta bad ka bynrap ba kane ka jingialang kadei ka jingsdang ia ka sienjam jong ka jingshimkhia kaba thikna, kaba pynleit jingmut ia ka thain bad ki jingleh bad ki jingpynkhreh ia ki rukom pyntrei ia ki kam ki jam.
Ki ophisar ki dang khmih bniah ia ka jingpyntreikam ia ka NACP, ban khmih bniah ia ki Micro-Level Indicators, Local Epidemiology, ki jingduna bad ka jingpynkhreh ia ka jingthaw ia ka State Specific Corrective Plans. Ha kane ka jingialang la wan ban iashimbynta da ki Project Directors jongki State AIDS Control Societies bad kiwei kiwei ban iatai halor ki mat ki bapher bapher ha kane ka jingialang.
Ka sorkar kala ong, ba kane ka jingialang kadei ban pynmih ia ki buit treikam ha ki district ban pyntreikam ia ka jingthrang ka ri ban pynduh noh ia ka jingpang HIV/AIDS kum ka jingpang kabab uh ha ka jingma ia ka koit ka khiah ki patbah bad ban pynurlong ia ka nongrim jongka Mission AIDS Suraksha.
