Shillong, Rymphang 25 : Ka Nationalist Congress Party (NCP) Meghalaya ka la ujor da ka ejahar pyrshah ia u National secretary barim ka Bharatiya Janata Party (BJP) Sunil Deodhar, da kaba kynnoh ba u la kren ia ki jingkren khlem nongrim, ki jingkren pynjah burom kiba thmu pyrshah ia ki Khristan bad buh jingma ia ka jingiatylli ha ka jaidbynriew.
Ha ka jingujor ba la mudui ha Sardar Police Station, u Youth President ka NCP Dapkupar Nongrum u la ong ba u Deodhar haba kren ha ka shnong Pynter ha ka 16 tarik u Rymphang, u la kynnoh ba kawei ka Balang ka la buh ïa ki kyndon ban shah iaki ban wan pule sha kata ka skul bad ki kyndon ki kynthup ban leit jingiaseng, ban kylla niam khristan bad ban pass iaka eksamin Bible.
La kynnoh ba u Deodhar u la ong ba ki samla pule ki bym pass ha ka sobjek Bible yn khien ruh ba kim pass satia ia ka eksamin watla ki pass ha ka sobjek Mathematics bad Science.
Haka FIR, ka NCP,ka ong ba u Deodhar u la kynnoh ruh ba ka sorkar ka don ha ka liang jong ka niam bad ka khanglad ia ki dkhot Niam Tynrai ban ioh ia ka jingshakri ki hospital, ki surok, ki skul bad ka bording lada kim kylla niam.
U Dapkupar u la ong baka jingkren u Deodhar ka dei kaba thmu ban wanrah ia ka jingsngew iapher, ka ban pynmong ia ka jingsngew niam, bad buh jingma ia ka jingiatylli hapdeng ki niam ha Meghalaya.
Ka Party ka dawa naki bor Pulit ban pynshitom ia u Deodhar katkum ka kyndon 196, 197, 299 bad 353 jong ka Bharatiya Nyaya Sanhita, 2023.
 Meghalaya ka la ujor da ka ejahar pyrshah ia u National secretary barim ka Bharatiya Janata Party (BJP) Sunil Deodhar, da kaba kynnoh ba u la kren ia ki jingkren khlem nongrim, ki jingkren pynjah burom kiba thmu pyrshah ia ki Khristan bad buh jingma ia ka jingiatylli ha ka jaidbynriew.){kind=link}