Shillong, Feb 24: Ka A•chik State Peoples’ Front (ASPF), hynne ka Sngi Baar, kala kyntu ia ki seng sain pyrthei ha Meghalaya ba kin pynduh noh mardor ia ki tiket kaba la ai sha ki bym dei ki jaidbynriew Garo ba kin iakhun ia ka elekshon GHADC.
Ka ASPF kala phah ia ka shithi sha u Myntri Rangabh ka Jylla u Conrad K. Sangma, u President ka Meghalaya Pradesh Congress Committee u Bah Vincent Pala bad sha u President jong ka Meghalaya Pradesh Trinamool Congress Committee u Bah Charles Pyngrope ban pynduh tiket noh ia ki bym dei ki jaidbynriew Garo.
“Ngi lah ioh ia ki jingtip ba la ai tiket sha ki kyrtong ki bym dei ki Garo na 14 Betasing ia ka elekshon GHADC, khamtam ia u Sanjay Koch na ka NPP, u Ajitav Koch na ka INC bad u Hemandra Hajong na ka TMC. Ngi kyrpad ia ka seng ba kan pynduh noh ia kane ka jingai tiket sha ki bym dei ki kyrtong Garo ha kane ka elekshon ban wan jong ka GHADC” la ong u Bernita Marak, General Secretary ka ASPF.
Ula ong, “Ka rilum Garo kadei ka iing jong ki paid Garo bad kiba bun ki pyrshah jur ban pynieng kyrtong da ki riewshimet ki bym dei ki jaidbynriew Garo ha ka elekshon ban wan jong ka GHADC. Kumta halor kane, ngi kyrpad ba phin khmih biang ia ka rai kaba phi lah shim.
“Ngi ngeit ba ka jingpynkylla biang ia ki kyrtong ki bym dei ki Garo kan long na ka bynta ka bha ka miat jong ki jaidbynriew Garo bad kan long ruh ka jingpyni ia ka jingangnud ka jongki” la ong u Marak.
, hynne ka Sngi Baar, kala kyntu ia ki seng sain pyrthei ha Meghalaya ba kin pynduh noh mardor ia ki tiket kaba la ai sha ki bym dei ki jaidbynriew Garo ba kin iakhun ia ka elekshon GHADC.){kind=link}