Shillong, Rymphang 23: Ka Jylla kala iohlum T.121,88,80,979 ka bha khajna na ka Mining Leases ha u snem 2024-25 bad T.118,07,96,682 ha u snem 2023-24.
Ha u snem 2024-25, la ioh ia ka khajna na ki karkhana pynmih dewbilat lyngba ka GST ka jylla kaba T.49,16,45,880, haba nujor bad ka T.51,50,87,041 ha u snem 2023-24, la ong u Mybtri Rangbah ha ka jubab kaba la wanrah hapoh ka iingdorbar hynne ka Sngi Nyngkong.
“Ka percentage na ka bynta ki trai shnong kiba trei ha ki 10 tylli ki karkhana pynmih dewbilat ka long 74.25%,” ong u Sangma.
Ka Lafarge Umiam Mining Pvt Ltd kala siew T.30,08,45,600 kum ka Royalty ha snem 2024-25 bad T.29,00,05,680 ha u 2023-24. Ki karkhana kiba la rejistar hapoh jongka Companies Act, 1956, ki siew ia ka Royalty bad ka Cess ha ka jingkhaii ia u mawshun sha ri Bangladesh.
