Shillong, Rymphang 21: Ka Anti-Narcotics Task Force (ANTF) jong ka Meghalaya Police ha ka 20 tarik u Rymphang, kala kem ia uwei u samla bad kala ioh kurup ia u jingdih uba la suba udei u droks Heroin uba don 22.14 gram.
Ki pulit haba kila ioh ia ki jingtip kiba paka ba uwei u briew un wan ban aiti ia u jingdih pynbuaid, kumta kila pynlong ia ka jingkhmih bniah ia ki kali hajan ka ISBT Shillong bad ka kynhun ki pulit ANTF kala ioh bat ia kawei ka kali Maruti 800 kaba don ia u nombar ML-05-K-7414 bad kala bat ia u samla uba kila suba jur uba la tip kyrteng kum u Wanbor Kharpran.
Ha ka jingwad bad jingkhmih bniah katkum ka jingbud ryntih ia ki kyndon aiñ, ki ophisar kila lap ia artylli ki synduk plastik ia kaba la suba jur ba udei u droks Heroin uba don ia ka jingkhia kaba 22.14 gram.
Ia une u samla uba la shah kem ryngkat bad ia u droks bad ka kali la aiti noh ha ki pulit jong ka Mawlai Police Station ban pynlong shuh shuh ia ka jingtohkit bad ban leh ia kaba donkam katkum ka aiñ.
Ki tyllong khubor na ki pulit, kila iathuh ba ka jingtohkit ka dang iaid shakhmat ban lap ia ka jingiadei khamtam ha kaban tih bniah la kane ka jingjia kadei kaba don ruh ia ka jingiadei bad kiwei pat ki jylla ha ka jingkhaii ia u droks.
Kane ka jingioh kurup kala pyni ruh ia ka jingbteng jong ka ANTF ban pynlong ia ki jingkhynra ia kaba la leh ha kylleng jong ka sor Shillong bad ha ki khap sor ha kine ki bnai kiba la dep.
 jong ka Meghalaya Police ha ka 20 tarik u Rymphang, kala kem ia uwei u samla bad kala ioh kurup ia u jingdih uba la suba udei u droks Heroin uba don 22.14 gram.){kind=link}