Shillong, Rymphang 4: U Working President ka NPP bad Myntri ka tnad PHE Marcuise N Marak ula pynbna ba ka seng ka dang pynkhreh ia ki kyrtong ban iakhun ia ka elekshon GHADC bad ka jingjied ia ki kyrtong lah khmih lynti ban pyndep hapoh jong kane ka taiew.
“Ngi lah don ha ka bynta kaba khatduh ban jied ia ki kyrtong. Shen ngin sa pynbna noh ia ka kyrteng jong ki kyrtong baroh” ong u Marak bad ka bynrap ba ka seng kan pynieng ia ki kyrtong ha baroh 29 tylli ki constituency.
Haba kylli shaphang kiwei pat ki seng u Marak ula ong “Nga lah ban ong lehse ka seng Congress ka lah ban dei ka seng kaban iakhun pyrshah bad ngi.Nga lah iohsngew ba ka TMC kan ym pynieng kyrtong”.
Ha kaba iadei bad ka jingsaphriang ki hamsaia halor kiwei pat ki seng, u Marak ula ong, “Ka Party kadei ka party. Ngan ym ong ba kadei ka jhad kaba lah ngam. To ngin ia peit ka por hi kan sa batai bad ngin sa iohi kink ki seng sain pyrthei kiban iakhun ia ka elekshon”.
Ka NPP kala mad ia ka jingpan tiket bun ngut tang na kawei ka constituency ha kava kila don 7 ngut kiba la pan bad khmih lynti ban ioh ia ka tiket ha ki katto katne ki jaka.
