Shillong, Rymphang 02 : Ka Iingkashari Meghalaya High Court kala pan ia ki kot ki sla kiba dei hok, kiba iadei bad ka kam tih dewiong beain, haba pynpaw ba ki don ki jingduna ha ki copy bala aiti da ka Sorkar Jylla.
Ka Division Bench ba kynthup ia u Justice HS Thangkhiew bad Justice W Diengdoh ha ka hukum ba pynmih ha ka sngi Nyngkong, kala bthah ia ka Sorkar ba kan ai ia ki copy kiba dei hok hapoh ka 5 tarik Rymphang, 2026, ha ka por ba shong bishar biang ia kane ka kam.
Ka Iingkashari ka la pynmih ia kane ka jingbthah haba shong bishar ia ka Interim Report ba 34 bad 35 jong u Justice BP Katakey Committee (Retd), kaba la thung ban tohkit ia ka kam tih dewiong beain hapoh ka Jylla.
