Shillong Kyllalyngkot 18: Ka Tnad Commerce and Industries ka jylla kala iasoi ia ka Memorandum of Understanding (MoU) bad ka Amazon ha ka 16 tarik u Kyllalyngkot ha ka jingialang kaba la long ha Directorate of Commerce and Industries.
Kane kadei ka sien kaba nyngkong eh ia ka Amazon ban iasoi ia ka MOU bad kano kano ka tnad jong ka sorkar jylla.
Hadien ba la dep iasoi ia ka MoU la pynlong pat ia ka workshop da ka kynhun jong ka Amazon na ka bynta palat 100 tylli ki MSME, ha kaba ki nongiashimbynta kila ioh ia ka jingbatai kaba bniah shaphang ka Amazon Karigar bad Saheli Initiatives.
Ka Tnad kala pynshlur ia ki MSME ban rejistar ha ka rynsan jong ka Amazon ban kyntiew ha ka rukom pynbna bad ban pyniaid iew ia ki mar kiba ki pynmih bad ka ioh ia ka jingpynthikna ban ai ia ka jingkyrshan ban btin kumno ban pyniaid shaphrang ia kane ka kam, ha kaban phah bad ruh ban khaii bad ka Amazon.
Ha kane ka jingialang la wan ban ia shimbynta da ka Sarita Tiwari na ka Amazon, u Bah F. Sutgna u Director ka C&I, u Bah M.L. Wanshnong u Joint Director, ka Kong Daphiralin Kharjana kaba long ka M.D. jongka MHHDC, ki dkhot jongka RAMP SPIU bad kiwei kiwei ki heh ophisar.
Haba kren ha ka jingialang u Director ula pynpaw lyngba kane ka jingiatreilang bad jingiatehlok la khmih lynti ba kan kyntiew ia ka khaii pateng jong ki MSME ha ki por kiban wan.
La iasoi ia kane ka MoU hapoh jong ka Raising and Accelerating MSME Performance (RAMP) Scheme jong ka MoMSME. Kum shi bynta jong kane ka jingiatehkular, ka Meghalaya Handloom & Handicrafts Development Corporation (MHHDC) kaba dei ka karkhana kaba hap ha ka jingkhmih jongka Tnad Commerce and Industries, kan pyniaid ia ki kam khaii pateng, kaban kynthup ia ka jinglum thup ia ki mar, ka jingpynkhreh ia ki thup jong ki mar bad ka jingbuh ia ka dor ha ka rynsan jong ka Amazon.
 bad ka Amazon ha ka 16 tarik u Kyllalyngkot ha ka jingialang kaba la long ha Directorate of Commerce and Industries.){kind=link}